Íslenskir námsmenn hrökklast heim

Þar sem ég er námsmaður í Ungverjalandi hefur þessi dýra evra töluverð áhrif á okkur. Eiginlega breytir öllu.

Í dag er evran á um 136 kr og búið er að frysta gengið okkar.  Ungverskan forintan er að lækka þar sem talið er að Ungverjaland er næst í röðinni að lenda í sömu vandræðum og við.

Hvernig getur staðið á því að þegar kr stendur í stað og ungverska forintan er að lækka að allt hækkar töluvert?!?! Skýringarnar sem ég fékk á því eftir langan biðtíma að Visa og mastercard selja erl. gjaldmiðil mikið dýrari en bankarnir.

Hvaða áhrif hefur það á okkur?

Sá peningur sem við borgum með hérna úti þurfum við að taka af debetreikningi okkar.

Áður kostuðu 20 þúsund forintur 10 þús ísl. ("gamla daga")

Skv. Gengi núna hjá bönkum: 20 þús forintur= 12 þús ísl.

Það sem við borgum með debetinu: 20 þús forintur=18 þús ísl!

50 % hærra takk fyrir. 50% það er of mikið fyrir okkur námsmennina. Það er allt of mikið.  

Í dag hafði mastercard af mér 6000 krónur.  Það er alltof mikið fyrir fátæka námsmenn. Það hefði dugað fyrir mat í viku.  

 

Vildi bæta því við að bensinliterinn hérna í Ungverjalandi kostar okkur 280 ísl krónur takk fyrir.

Það er dýrara að búa í ungverjalandi en á íslandi og ungverjaland er í Austur- evrópu. Það er eitthvað sem passar ekki..  

 

Ég er gáttuð, í sjokki og á leiðinni heim og vinna sem sjálfstæður götusópari eins og staðan er núna. 

 

Evran dýr hjá kortafyrirtækjum

Athugasemdir

[Hólmdís Hjartardóttir, 7.10.2008 kl. 19:15]

var búin að svara þér...en hefur horfið.

Já þetta er svakalegt ástand.....kannski skánar það á næstu dögum..Gangi þér vel Kata mín og bestu kveðjur.

[Sigrún Jónsdóttir, 7.10.2008 kl. 20:01]

Íslenskir námsmenn erlendis, eiga alla mína samúð

[Guðrún Jóna Gunnarsdóttir, 7.10.2008 kl. 20:28]

Við skulum sjá hvort að það vindist ekki eitthvað ofan af því kaosi sem ríkir í allt og öllu. Mjög einkennilegt ef fyrirtækið (Valitor) getur verið með sitt eigið gengi, og haft það svona eftir behag. Þetta hlýtur að skýrast, mín kæra

[Katrín, 9.10.2008 kl. 00:39]

ekki gefast upp þó á móti bási nafna mín.  Erfiðleikarnir eru til að yfirstíga þá og öll él birta upp um síðir.  Vissulega eru þetta órólegir tímar en ég er viss um að þegar líður á vikuna mun ástandið verða stabílla a.m.k. hvað fjármálamarkaðinn áhrærir. 

Þau gömlu gátu ekki í neina LÍn sjóð sótt og ekki var gengið á íslensku krónunni gott á sjötta áratugnum.  En með segilunni hafðist það allt og þó þu þurfir að eta svínkótilettur í öll mál( var ódýrast í Bretlandi þá:)) þá gerir þú það bara vina og brosir í gegnum tárin.

Tante Katarína sem man tímanna tvenna

[Katrín, 9.10.2008 kl. 00:40]

úpps á að vera ..tímana tvenna