Katrín Björg Hannesdóttir

16.6.2008 | 10:23

útihátíðir

Liðin helgi á Akureyri.

Mér finnst alveg merkilegt hvernig skipuleggjendur útihátiða eða annarra daga takmarka aldur á tjaldstæði. Eyjafjarðasveit takmarkar aldur við 25 ár, Akranes (að ég held) 20 ár og sama má segja með Akureyri. NB! Þeim sem er meinaður aðgangur mega koma í fylgd með fullorðnum. Er þetta gert vegan ófriðarástands sem myndast á hátiðum. Mér er spurn hverjir eru fullorðnir?

Á Íslandi er lögaldurinn 18 ár. Þú ert fjárráða, matt gifta þig, kaupa tjaldvagn og hús EN þú getur ekki farið á ákveðin tjaldstæði með fjölskyldu þinni með nýja tjaldvagninn.

Er þetta leyfilegt? Allir Íslendingar yfir 18 ára eru taldnir fullorðnir, lögráða. Er leyfilegt að mismuna fólki með þessum hætti?

Um helgina voru Bíladagar á Akureyri og var ástandið þar í bæ verra en menn muna eftir ÞRÁTT FYRIR aldurinn hafi verið takmarkaður við 20 ár. Er takmörkunin að skila sér eins og sveitarfélögin vildu? Ekki get ég séð það miðað við fréttir sem bárust frá Akureyri.

Þjóðhátíð er ein stærsta útihátíð sem Íslendingar halda. 10 þúsund manns flykkjast á þessa litlu eyju og fara á (fyrirgefið orðbragðið) á heljarinnar fyllleri. Þarna eru born, unglingar og foreldrar samankomnir að skemmta sér saman. Þarna koma margir krakkar sem eru undir tvítugt og ekki get ég sagt að ég hafi orðið vör við sérstöku ónæði frá þessum krökkum. Oftar en ekki eru þeir eldri með lætin.

Málið er á Þjóðhátíð er gríðarleg gæsla. Hvert sem þú snýrð þér sérðu a.m.k. tvo hópa af skærgulum gæslumönnum sem hlaupa til og hjálpa ef þú ert í vanda og skilja að slagsmál. Auðvitað eru alltaf einhver slagsmál þar sem svona stór hópur kemur saman en með þessa gríðar gæslu er hægt að koma í veg fyrir frekari hópslagsmál og alvarlegum meiðslum.

Ég legg því til við sveitarfélögin að þau hafi viðmiðin 18 ár og auka gæsluna til muna því ekki virðist veita af miðað við nýafstaðna hátíð. Kostnaður við gæsluna mun borga sig upp með auknum viðskiptum, ásókn og meiri gleði almennt!=)

Flokkur: Bloggar | Facebook

Athugasemdir

Ég sé í anda 23 ára einstaklinga gista á tjaldstæðum á Akureyri í fylgd með fullorðnum

Guðrún Jóna Gunnarsdóttir, 16.6.2008 kl. 11:07

Svo er kosningaaldurinn 18 ár. Þeir vilja gleyma því þessir "kjörnu" ráðamenn á milli kosninga.

Sigrún Jónsdóttir, 16.6.2008 kl. 11:44

Mikið til í þessu hjá þér.... við Íslendingar erum oft ósamkvæmir sjálfum okkur.

- Státum okkur af fögru landi en dettur svo í hug að byggja olíuhreinsunarstöð !

- Segjumst friðelskandi en styðjum stríð !

Anna Einarsdóttir, 16.6.2008 kl. 11:54

Það var ekki aldurstakmark á neina hátíð, aðeins á tjaldsvæði Akureyrar, ef þú ert einstaklingur þá er aldurstakmarkið 20 ár (sama og aldurstakmarkið til að kaupa og neyta áfengis). Þetta var gert í ljósi slæmrar reynslu undanfarina ára. Skoðið meðf. myndband frá bíladögum í fyrra og spyrjið síðan sjálf ykkur hvort þið mynduð fara með barnið ykkar og gista á svona tjaldsvæði, ekki gleyma því að þessi helgi er fjölsótt af fjölskyldufólki sem er að sækja stúdendahátíðir og háskólahátíð auk þess sem útlendingar sækja þessi tjaldsvæði heim þessa helgi sem aðra. Það er lélegur bisness að eyðileggja orðspor góðra tjaldsvæða með því að bjóða alla velkomna.

Ingimar Eydal, 16.6.2008 kl. 16:00

Já auðvitað á tjaldstæðin, gleymdi að tilgreina það sérstaklega..

Takk fyrir það

Katan , 17.6.2008 kl. 20:12

Æ nafna mín..ég verð að segja að ég vildi helst engar útihátíðir a la Ísland...hef unnið á einni slíkri og þvílík upplifun....hefði gjarnan viljað sleppa við að vita allt það sem fram fer í myrkrinu, fylleríinu, tjöldunum, bak við klósettin.....